El Principáu afirma que reiniciar un vial de Xove soterráu supondría "mínimo 10 años"

Moriyón ve asumible crear un cinchu verde nos terrenos espropiaos pal vial

El viceconseyeru d'Infraestructures, Movilidá y Territoriu del Principáu, Jorge García, esplicó esti llunes que'l procesu de redacción, llicitación y ellaboración d'estudios d'un nuevu proyectu soterráu pal vial de Xove supunxera un “horizonte mínimu d'unos diez años", acordies coles estimaciones del Ministeriu de Tresportes.

García fixo estes declaraciones na xunta de la mesa de trabayu sobro'l vial de Xove, un órganu del que formen parte toles asociaciones de la zona oeste, y distintes entidaes del texíu social de Xixón.

L'alcaldesa de Xixón, Carmen Moriyón, afirmó esti llunes qu'emplegar los terrenos de Xove espropiaos pal fallíu vial soterráu pa crear un cinchu verde sedría una opción "perfectamente asumible" pal Ministeriu de Tresportes y Movilidá Sostenible.

La vicealcaldesa de Xixón, Ángela Pumariega, refugó esti llunes el "facer de menos" y la "falta de respetu" pa Xixón del Ministeriu de Tresportes respecto al fallíu vial de Xove soterráu, al empar que pidió que'l Conceyu "demuestre lideralgu" pa "ufiertar alternatives" pa desaniciar el tráficu pesáu de la zona oeste.

Les asociaciones vecinales de la zona oeste fueron informaes del proyectu del Principáu pal treslláu del tráficu portuariu per Aboño. Toes elles amosaron el so malestar pola renuncia a un vial soterráu y esixen a les alministraciones que nun pierdan de vista la necesidá imperiosa de sacar el tráficu pesáu de La Calzada.